Научницы од Изучилища космичных наук Барселонскаго высшаго училища одкрыху невѣроіѧтны факт, же може превратити наше разуменіе чърных дир. Вопърво іе было доказано, же чърни дыры могѫт сѧ роджати само с поводу гравитациіных ефектов, без потрѣбы екзотичноі матеріи.

Традициіно сѧ мысли, же средина чърноі диры іе сингуларностіу ‐ тъчкоі, где законы физикы іуж не дѣіѫт. Ново изисканіе показуіе, же безконечна чреда квантовых гравитациіных поправені одстраніаіе ову «сингуларності», творѧчи структуру чърных дыр близко «регуларноі» и согласноі с термодинамичными законами.

«Лѣпота нашего взора іе в тому, же тоі има закладу само в модифицированых равницах Еінштеіна, же сѫ предповѣдани квантовоі гравитаціеі, и не трѣбаіе иных компонентов», ‐ твори изъіасненіе изискателі Пабло Кано.

Одкрытіе‐то има прѣмы вѧз с наі‐важными пытаніами днешноі физикы и подчъркаіе (акцентуіе) важливості фундаменталных наук. Множство одкрытиі сѧ твори през математични моделы, а дліа того потрѣбным іе добро знаніе математикы и иных точных наук.