Dalnoględ Džejms Ueb prez tri goda pracovanja je predstavil množestvo unikalnyh danyh o dalnyh kųtkah Vsjemjra. Novo iziskanje, že byše razslědovano naučnikami Izučilišča štata Kanzas Liorom Šamirom, izjaviše jednu od naj‐udivitelnyh i tajenstvenyh posebnostjej dalnago kosmosa ‐ večina galaktik sę obračajųt v jedinu stranu. Rabota byše vydanoj v časopisu MNRAS (Monthly Notices of the Royal Atronomical Society).

Razbor snimkov dalnago kosmosa, že byhu dostani vųtrě projekta JADES (Advanced Deep Extragalactic Survey), pokazaše, že okolo dvuh tretin galakti sę obračajųt po strělkě časovnika, i samo tretina ‐ protivu togo. Naučnicy izučahu 263 galaktiky od projekta JADES, obračenje ktoryh byše dostatočno legko izjaviti.

«Razlika je tako veljka, že tu možno pozrěti bez specialnago znanja», – odpovědiše Šamir, – «Vsjaky čelověk, že poględa na snimky, može to uzrěti».

Dnešna kosmologja mysli, že broj galaktik sę obračajųščih po i protivu strělky časovnika musi byti ravnym. Jednak dany dalnoględa Džejms Ueb pokaza, že jestvovanje prevaženja (dominiranja) strany obračenja galaktik daje somněnje v pravilnosti našej predstavy o Vsjemjrě.

Šamir predložiše dvě možnosti objasnenja. Prva hipoteza je v tomu, že Vsjemjr može byti rodžen s naličnostju svojego obračenja. To je soglasnym s teorjej «črnoj diri», ktora govori že Vsjemjr je vųtrešnej čęstju črnoj diri. Ako to je pravilnym, sųči kosmologični modely mogųt byti nepolnymi.

Vtora hipoteza je vęzana s efektom Doplera. Zemlja sę obračaje okolo Mlečnago Pųti, i s povodu togo svět od galaktik, že sę obračajųt v obratnomu směru, može sę izjavjati po‐jarkym. Ako ovo pojasnenje bųde pravilnym, naučnicy hte musęt preględati svoji metody měrenja dalnosti v kosmosu, čto takože može izjasniti nedoslědnostj bystrosti širenja Vsjemjra i jestvovanja veljkyh galaktik, ktori sę kažųt po‐starymi než može dozvoliti sam Vsjemjr.