Naučnicy od Izučilišča kosmičnyh nauk Barselonskago vysšago učilišča odkryhu nevěrojętny fakt, že može prevratiti naše razumenje črnyh dir. Voprvo je bylo dokazano, že črni dyry mogųt sę rodžati samo s povodu gravitacijnyh efektov, bez potrěby ekzotičnoj materji.

Tradicijno sę mysli, že sredina črnoj diry je singularnostju ‐ tčkoj, gde zakony fiziky juž ne dějųt. Novo iziskanje pokazuje, že bezkonečna čreda kvantovyh gravitacijnyh popravenj odstranjaje ovu «singularnostj», tvoręči strukturu črnyh dyr blizko «regularnoj» i soglasnoj s termodinamičnymi zakonami.

«Lěpota našego vzora je v tomu, že toj ima zakladu samo v modificirovanyh ravnicah Ejnštejna, že sų predpovědani kvantovoj gravitacjej, i ne trěbaje inyh komponentov», ‐ tvori izjasnenje iziskatelj Pablo Kano.

Odkrytje‐to ima prěmy vęz s naj‐važnymi pytanjami dnešnoj fiziky i podčrkaje (akcentuje) važlivostj fundamentalnyh nauk. Množstvo odkrytij sę tvori prez matematični modely, a dlja togo potrěbnym je dobro znanje matematiky i inyh točnyh nauk.