Izyskateli od Qunnect Inc. imahu uspěh v testiranji prototipa kvantovoj mrežy na zakladě 34-kilometrovoj světovodnoj petli GothamQ, čto je pod ulicami Nju-Jorka. V času eksperimenta naučnicy predavahu zapleteni fotony, polarizacja ktoryh zadržavaše (hraniše) ih kvantovy svęz. Tehnologja pokazaše stalostj k vněšnym učinkam, napriklad, temperaturni kolebanja i vibracji, a takože pokazaše 99,84% vremeni bezhybnoj raboty. Ova kvantova sostava predavaše 20 tysęč vo vtorinu (sekundu) zapletenyh par fotonov, imajųči točnostj kompensacji 99%. Hvala tomu, eksperiment dostaše podtvrdžanje, že kvantovi mrežy sų gotovymi imati daljšy razvoj.

Osoby pozor imaše polarizacjonno izměščenje (drift), ktor ima pričinu v izměně dliny voln i vremeni predavanja. To potrěbaše sotvoriti ustroj dlja aktivnoj kompensacji izměščenja. Nižečrveni fotony, korystajemi v eksperimentu, byhu soměstimi s rubidovymi atomnymi sostavami, ključovymi dlja kvantovoj pamęti i izčisliteljej. Ovo dosęgnenje podtvrdžaje gotovnostj tehnologji byti integriranojų v bųdųču kvantovu mrežu, že hte zabezpěči naj‐vysoku bystrostj i věrogodnostj predavanja danyh.