Hvala dalnoględu Džejms Ueb naučnicy sų dostali nevěrojętno podrobny snimek zarodženja mladoj zvězdnoj sostavy NN30, ktora je v 30 světovyh godah od Zemli v sozvězdji Byka. Ovo odkrytje hte popusti naučnikam lěpjej porazumiti proběgy rodženja zvězd i planetnyh sostav. Snimek byše vydan na stranice Europskago kosmičnago agentstva (ESA). HH30 je malojų mglovinoj, ktora jestvuje zaradi vzajemodějnosti močnyh potokov jonizovanago plyna novyh zvězd i okolnago medžuzvězdnago tvoriva.

Novy snimek dalnoględa Džejms Ueb pokaza doplanetny disk zvězdy, ktor je okųtan izkydnym plynom i pylom. Od srediny diska sę izryva ųzky mnogobystry strujny izkyd (džet), ktor minuje širęčji sę potocy plyna i stvorjaje lěpy i rědky vid. Hvala infračrvenym (nižečrvenym) močnostjam dalnoględa, zvězdoznavcy sų dostali krozj gųsti sloji pyla aby izučiti naj‐maly podrobnosti proběga rodženja zvězdy.

Družina iziskateljej sojediniše dani dalnoględa Džejms Ueb s danymi dalnoględa Habl i skupiny radjoględov ALMA. To sotvoriše možnym izučiti sostavu NN30 v različnyh obsęgah elektromagnitnago spektra i izjaviti važni posebnosti rodženja planetarnyh sostav.

Napriklad, naučnicy izjavihu, že čęsticy pyla v protoplanetnomu disku dějstvujųt različno zavisno od ih veljčiny: domilimetrovi čęsticy pyla jestvujųt vo vsemu objemu sostavy, a milimetrovi čęsticy ‐ samo v diskovomu sloju sostavy. Ovy proběg, myslęt naučnicy, je ključovym dlja bųdųčego rodženja planet: pyl bųde sę sklějati i držati sę zajedno, budujųči (formirujųči) po‐veljki těly – predhodnicy bųdųčih planet.

Takože naučnicy sų poznali, že bystrostrujno světlo iz NN30 ima vzajemno dějstvo s okolnym tvorivom, tvoręči udarny (razovy) val i grějųči plyn do jegova svěčenja v nižečrvenomu i vidimomu obsęgu. Ovy efekt pomagaje zvězdoznavcam i daje unikalnu možnostj izučati fiziku ovyh javjenj (fenomenov).

Snimek NN30 v Europskomu kosmičnomu agentstvu je byl nazvan «Snimkom měsęca» i je dostal priznanje kakto naj‐detalny snimek proběga rodženja zvězd. Oddnesj zvězdoznavcy hte trajųt (prodolžųt) izučenje sjej obvlasti Galaktiky daby razkryti veče tajn zvězdorodženja.