Informacja Dark Energy Spectroscopic Instrument je javila, že kosmologična neizměnna prez vremę jestvovanja Vsemjra postųpno sę izměnjaje. To znači, že ona ne je něizměnnoj, i takože znači, že vakuum ne može byti zdrojem ovoj «neizměnnoj».

Dnešna kosmologja je osnovana na ravnicah teorji odnosnosti Ejnštejna. Kogda fizik tvoręše svoju teorji, on odmětiše, že ovi ravnicy ne imųt rěšenja, pri ktoromu Vsemjr je neizměnen. Ale v toj perjod historji naučnicy mysljahu, že Vsemjr je postojen, zato Ejnštejn dodaše v ravnicu «lambda»-člen – neizměnnu, ktora zabězpěčiše statičnostj.

V 1924 godu naučnik Aleksandr Fridman pokazaše, že Vsemjr neje statičnym i sę širi. Ejnštejn naprvo hteše kritikovati Fridmana, ale poslě staše soglasnym že sam byše imal hybku i k načędlu 1930-h trudno, ale priznavaše širenje Vsemjra. I takto on počęše zvati svoj «lambda»-člen – naj‐veljkojų hybkoj.

Jednak v 1998 godu v ględanju dalekyh svrhnovyh iznenada sę javiše, že Ejnštejn ne imaše hybky. Hotj Vsemjr sę širi, ale toj sę širi uskorenno. I ovo uskorenje ne može sę svęzati s ravnicami Ejnštejna bez dodanja «lambda»-člena (napravdu, s inym značenjem). Ova konstanta sę zova nyne kosmologična neizměnna.

Naučnicy Dark Energy Spectroscopic Instrument dodahu novy krok k ovoj pověsti. Oni sų proanalizovali červeno izměščenje miljona galaktik. Informacji od tyh ukazuje na to, že věrojętno s 3.5 sigma «lambda»-člen v ranšemu Vsemjru iměše několjko drugo značenje, odlično od dnešnago.

Naj‐popularna teorja o prirodě kosmologičnoj neizměnny do dnešnago dnja byše raztlčivatelny vliv vakuuma, pustago prostora (ili odrečny natisk vakuuma). V takomu slučajų «lambda»-člen musi byti točno neizměnen, bo svojstvy vakuuma odnosno prostora jesų neizměnny. Novy rezultat, hotj i ne imaje značnosti eksperimenta v 5 sigma, ale je dostj blizkym do togo, kogda teorja ob odrečnom natiskě vakuuma može byti zatvorena.

Zato nyně fizicistam-teoretikam je potrěbnym predložiti ino opisanje temnoj energji (t.e. uskorennomu širenju Vsemjra). Ako pričina togo ne je vakuum, potrěbnym je naidti ino izjasnenje. To je samy proces naučnago poznanja.