Prvy krat v pověsti (historji) čelověčstva: jest dostan podrobny snimek zvězdy vně našej Galaktiky.

Hvala interferometru Mnogo Veljkago Dalnoględa, naučnicy jesų dostali snimek svrhgiganta WOH G64, že je 2000-kratno boljš než Slnce i jestvuje od nas v 160 000 světovyh godah v Veljkomu Magelanovomu Oblaku, ktor je galaktikoj‐spųtnikom našego Mlečnago Pųti.

Razględati zvězdu běše vozmožnym tako podrobno, že jesų viděli okolnu povlaku iz plyna i pyla. Potocy tvoriva v povlakě kažųt o tom, že WOH G64 je blizkoj do konečnoj stadji života pred močnym vybuhom svrhnovy.

V ostatno desętilětje zvězda je poblědněla i bųde blědněti daljej. Črveni svrhgiganty, ktorym je i WOH G64, v konečny perjod žitja izveržųt vněšni sloji plyna i pyla, ale to može nadaljati i trvati tysęči lět. Pokolj ogromna zvězda drži sę togo, ta bųde blědše i blědše, čto bųde utrudniti dostane novyh jejnyh snimkov v bųdųčnosti.