Nafta (Kamęny olej) mnogo korystuje čelověčestvu. Vdęčno naftě my dostame teplo, svět, ona privodi v dviženje samohody, tęgačy, samolety i koraby.

Iz nafty my dostame tehnični alkoholy, parafin, palivo, mazečni olejy, tehničny tuk, smoly, asfalt i ini vydanja. Čto je nafta? Slovo-to je prišlo od persskago języka i sę znači «vlažny» či «izvergnuty». Kako ta je sę stvorila? Naučnicy ličut že nafta je sę stvorila od rastlin i životin, živšyh mnogo lět tomu v teplyh vodah okeanov, ktori pokryvahu zemnu povrhnostj.

Umirajųči, životiny i rastliny sę sbirahu na dnje. Poslě prez mnogo lět oni běhu pokryti miljonami ton pěska i ila. Pod natiskom il i pěsek sę pretvorihu do tvrdyh gornin. Ostatek rastlin i životin sę prevratihu v tjemnu tečnostj, sobranu v porožnostjah gorniny. Preměščenje zemnoj kory pretvoriše čęstj morskago dna v zemju. Něktora koljkostj tečnosti sę pojaviše na zemnoj povrhnosti, gdě byše iz’javena čelověkom.

Kamęny olej sę korystaje čelověkom mnogo tysęč lět. V drevnosti čincy (kitaйcy) i egiptęne korystahu ju kakto lěk (lěkarstvo). V Indjě mnogo lět do našoj ery naftu korystahu dlя osvěščenja i paliva.

Takodže tu korystahu dlja fakljej (pohodnjev), dodavahu pri tvorenji ceglin, naftojų omazovahu košy i korabni dniščy aby tji ne propustili vodu. Amerikanski indijcy takodže korystovahu naftu dlя različnyh cěljej. Kogda v Ameriku pribyhu prvi běli poseljency (kolonisty), oni prejęhu sposoby korystanja kamęnago oleja dlja lěčenja něktoryh hvorob u indijcov.

Nafta, juž dostame od vjertečnyh otvorov, blizko nigdě ne sę korystaje, bo tu trěba prerabotiti (reciklirati) – ovy proces je osnovan na faktu že v naftje sųtj tvrdi, tečni i plynni tvorivy (substancji).

Nagrěvajųči, od nafty sę odděljajųt jejni komponenty, ktori prirodojų sųtj byli zajedno svęzani. To je vozmožnym, bo každy komponent nafty vri (kipi) i izparuje pri različnoj teplosti: prvo odděljaje sę benzin, poslě parafin, plyn, olejy i mazečni sostavy.