Космичны далноглѧд Джеімс Уеб направише важно одкрытіе, когда 26 брезніа 2025 года досташе първы снимек поларных сіаниі на планетѣ Нептун. То іе важным добытіем в звѣздознаніи, бо теоретично іествованіе поларных сіаниі быше предповѣденым, але не имало подтвърджаніа.

Поларно сіаніе быше фиксирано при глѧданіи в ближному подчервеному свѣту, же доволише увидити свѣченіе взаіемнаго дѣіаніа сълнечнаго вѣтра и магнитнаго поліа планеты. Ово взаіемно дѣіство сѧ изглѧда както свѣтломодри пѧтны на снимках же іе достал далноглѧд.

Одлично од иных планет-гигантов (Іупитер и Сатурн), поларно сіаніе Нептуна можно видѣти не само на полусах, но и на средных ширинах. То іе хвала тому, же магнитно поліе планеты има велікы наклон и смѣщеніе, же приводи до необычаіных размѣщениі сіаніа.

За достаніе овых снимков сѧ корысташе спектропис ближнаго подчервенаго свѣта (NIRSpec), ктор анализираше свѣт одраженыі од атмосферы Нептуна. Тоі изъіавише іествованіа триводороднаго катіона (H₃⁺), ктор іе главным индикатором поларных сіаниі и быше изъіавен на иных плынных гигантах.

Ово одкрытіе не само добываіе подтвърджаніе іествованіе поларных сіаниі на Нептунѣ, але такоже даіе нови даны о измѣнивости магнитнаго поліа планеты и іеговом взаіемном дѣіствѣ с сълнечным вѣтром. Научницы имаіѫт надѣіу, же напредни изисканіа бѫдѫт помогти лѣпіеі поразумити атмосферни пробѣгы на ледных гигантах.