Изыскатели од Qunnect Inc. имаху успѣх в тестираніи прототипа квантовоі мрежы на закладѣ 34-километровоі свѣтоводноі петли GothamQ, что іе под улицами Ніу-Іорка. В часу експеримента научницы предаваху заплетени фотоны, поларизаціа кторых задържаваше (хранише) их квантовы свѧз. Технологіа показаше сталості к внѣшным учинкам, наприклад, температурни колебаніа и вибраціи, а такоже показаше 99,84% времени безхыбноі работы. Ова квантова состава предаваше 20 тысѧч во вторину (секунду) заплетеных пар фотонов, имаіѫчи точності компенсаціи 99%. Хвала тому, експеримент досташе подтвърджаніе, же квантови мрежы сѫ готовыми имати далішы развоі.

Особы позор имаше поларизаціонно измѣщеніе (дрифт), ктор има причину в измѣнѣ длины волн и времени предаваніа. То потрѣбаше сотворити устроі дліа активноі компенсаціи измѣщеніа. Нижечървени фотоны, корыстаіеми в експерименту, быху сомѣстими с рубидовыми атомными составами, кліучовыми дліа квантовоі памѧти и изчислителіеі. Ово досѧгненіе подтвърджаіе готовності технологіи быти интегрираноіѫ в бѫдѫчу квантову мрежу, же хте забезпѣчи наі‐высоку быстрості и вѣрогодності предаваніа даных.