Когда біологы изучѫт нѣку малку форму живота, они имѫт не само абстрактну корыстності, изученіе помагаіе сѧ забранити од мора, туберкулоза, маломочности. Протисты рода Плазмодиум породжѫт зимницу (маларіу), ктора іе уміертвила вече неж 50 млрд. человѣков за всіу повѣсті нашего вида. Вирусы такодже іесѫ грозными, како памѧтаіеме о коронавирусѣ.

В 2024 году біологы неочакано изъіавиху нѣчто микроскопично, имаіѫчо генетичны код вѫтрѣ си, але что іе то — не іе дості разумливым. Нови объіекты (они сѫ достали имѧ обелискы) сѫ подобни до вироидов из окрѫжноі РНК. Вироид – іе такоже замкнутоі окрѫжноі РНК (простоі, не двоистоі цѣпи), ктор има міеніш пол тысѧчи нуклеотидов. Вироиды имѫт одличності од вирусов, бо вирусы имѫт не міеніш двох тысѧчі нуклеотидов, а такоже посебну бѣлкову (протеинову) повлаку, ктора упрости пѫті прехода од іеднаго организма до инаго (през воздух или инако).

Обелискы сѫ одличными од вироидов, же можѫт кодирати минимално два бѣлка (протеина) или вѣроіѧтно даже вече двох. Они имѫт близко тысѧчи нуклеотидов (броіності іе меджу вироидами и вирусами). А такоже окрѫжна РНК в обелисках іе покрыта столпоподобноі внѣшнеі структуроі, ктора и даше имѧ до сих патогенов.

Іест познаным само, же внѣ клѣтек властника обелискы не можѫт сѧ множити: генетичны код их іе веліми простым, и не іе видным, же іествуіѫт механизмы непаразитичнаго множеніа.

Много трудным іе изпыт: да ли то іе живот? Вирусы и вироиды мнози научницы не мыслѧт како живот, бо они не можѫт сѧ множити внѣ иных организмов. Але аскарида такоже не може сѧ множити самостоіно, хоті іе разумливым, же то іе живот.

Корыстным іе факт, же 50% проб человѣческоі слины од различных мѣст Земли имѫт обелискы, такоже они іествуіѫт в 7% проб человѣческых одходах. Какову роліу они имѫт вѫтрѣ человѣка, не іе извѣстным. Можѫт ли они наводити болезни, како вирусы в нас и вироиды в растлинах? Или обвратно, сѫ паразитами бактериі, кторы іествуіѫт в нашему организму и творѧт помочі в контролѣ нашеі безпѣчности?

Трѣба имѣти времѧ, абы познати одвѣты на сіи изпыты. Дотогда ‐ факт, же неочакано и веліко одкрытіе быше в такому познаному мѣсту, както человѣческы организм. И нынѣ мы имаме цѣлы новы клас патогенов, іествованіе кторых быше неизвѣстно іещо год назад.