Быстри радіопрыскы сѫ краткыми и мочными прысками радіоволн, кторы сѧ пускаіѫт наі‐компактными объіектами (неутронни звѣзды и чърни диры). Ови кратки феіерверкы търват само тысѧчну чѧсті вторины (секунды), але преносѧт енергіи дості дліа свѣченіа вече неж цѣла галактика.

Од 2007 года, когда быше изъіавен първы быстры радіопрыск (FRB), звѣздознавцы сѫ зафиксирали тысѧчи FRB, кторы іествуіѫт од нашеі Галактикы до 8 млрд. свѣтовых лѣт од нас. Како сѧ творѧт ови прыскы, не іе разумливым доднесі.

Але нынѣ звѣздознавцы Масачусетскаго технологичнаго изучилища сѫ познали произход іеднаго од быстрых радіопрысков хвала методикѣ, ктора може быти корыстна дліа иных FRB такодже. В изъисканіу си, кторо іе выдано в часопису Nature, дружина научников изучаху FRB 20221022A – быстры радіопрыск в нашеі Галактикѣ, іествуіѫчем около 200 млн. свѣтовых лѣт од нас.

За иззначеніе точнаго мѣста радіознака, дружина анализираше бликаніе го. Научницы сѫ изучили измѣну іаркости FRB и иззначили, же плуск муси быти изпущен вече близ източника, неж предповѣдаху стари моделы. Дружина іе дала оцѣну, же FRB 20221022A сѧ поіавише в области не далі неж 10 000 километров од сѧ обрачаіѫчеі неутронноі звѣзды. Выбух быше вѣроіѧтно створен в магнитосферѣ овоі звѣзды.

Магнитосферы неутронных звѣзд показаіѫт предѣлы можностеі Всеміра, — каже главны творец работы Кензи Ниммо, доктор Изучилища звѣздноі физикы и космичных изъисканиі имени Кавли Масачусетскаго технологичнаго изучилища, — Имаху множество споров, може ли тако іарко радіосвѣтло теоретично избѣгати из такоі екстремалноі плазмы.