Магнетичны сѣверны полус міедло сѧ премѣщаіе около Канады од 1500-х годов, але в послѣдни 20 лѣт он значимо убыстрише ход си к Сибирѣ, и быстрина го сѧ выси всіакы год.

Изъисканіа показаху, же причиноіѫ премѣщеніа магнетичнаго колобѣга сѫ двѣ огромнѣ магнетичнѣ краіинѣ: под Канадоі и под Сибиріу.

Нѣгда премѣщаніа сѫ таки веліки, же трѣба спѣшно поновити Всіемірны магнетичны модел (World Magnetic Model / WMM), ктор показуіе тутчасни и бѫдѫчи просторни положеніа магнетичных полусов планеты внѣ обычаінаго 5-годичнаго обѣга (цикла). Зналцы од Націоналноі управы океаничных и атмосферных изъисканиі CША (NOAA) и Британскоі геологичноі службы (BGS) сѫ сотворили 10-крат выше точну карту магнетичных колобѣгов Земли.

Како говори BGS, ако вы корыстате стару навигаціу WMM дліа прѣмаго преіѣзда од Іужноі Африкы до Велікобританіи и сотворите 8500 км, то вы бѫдете мимо курса на 150 км к концу пѫтованіа.