Информаціа Dark Energy Spectroscopic Instrument іе іавила, же космологична неизмѣнна през времѧ іествованіа Всеміра постѫпно сѧ измѣніаіе. То значи, же она не іе нѣизмѣнноі, и такоже значи, же вакуум не може быти здроіем овоі «неизмѣнноі».

Днешна космологіа іе основана на равницах теоріи односности Еінштеіна. Когда физик творѧше своіу теоріи, он одмѣтише, же ови равницы не имѫт рѣшеніа, при кторому Всемір іе неизмѣнен. Але в тоі період хисторіи научницы мысліаху, же Всемір іе постоіен, зато Еінштеін додаше в равницу «ламбда»-член – неизмѣнну, ктора забѣзпѣчише статичності.

В 1924 году научник Александр Фридман показаше, же Всемір неіе статичным и сѧ шири. Еінштеін напърво хтеше критиковати Фридмана, але послѣ сташе согласным же сам быше имал хыбку и к начѧдлу 1930-х трудно, але признаваше ширеніе Всеміра. И такто он почѧше звати своі «ламбда»-член – наі‐велікоіѫ хыбкоі.

Іеднак в 1998 году в глѧданіу далекых свърхновых изненада сѧ іавише, же Еінштеін не имаше хыбкы. Хоті Всемір сѧ шири, але тоі сѧ шири ускоренно. И ово ускореніе не може сѧ свѧзати с равницами Еінштеіна без доданіа «ламбда»-члена (направду, с иным значеніем). Ова константа сѧ зова ныне космологична неизмѣнна.

Научницы Dark Energy Spectroscopic Instrument додаху новы крок к овоі повѣсти. Они сѫ проанализовали червено измѣщеніе миліона галактик. Информаціи од тых указуіе на то, же вѣроіѧтно с 3.5 сигма «ламбда»-член в раншему Всеміру имѣше нѣколіко друго значеніе, одлично од днешнаго.

Наі‐популарна теоріа о природѣ космологичноі неизмѣнны до днешнаго дніа быше разтълчивателны влив вакуума, пустаго простора (или одречны натиск вакуума). В такому случаіѫ «ламбда»-член муси быти точно неизмѣнен, бо своіствы вакуума односно простора іесѫ неизмѣнны. Новы резултат, хоті и не имаіе значности експеримента в 5 сигма, але іе дості близкым до того, когда теоріа об одречном натискѣ вакуума може быти затворена.

Зато нынѣ физицистам-теоретикам іе потрѣбным предложити ино описаніе темноі енергіи (т.е. ускоренному ширеніу Всеміра). Ако причина того не іе вакуум, потрѣбным іе наидти ино изъіасненіе. То іе самы процес научнаго познаніа.