Първы крат в повѣсти (хисторіи) человѣчства: іест достан подробны снимек звѣзды внѣ нашеі Галактикы.

Хвала интерферометру Много Велікаго Далноглѧда, научницы іесѫ достали снимек свърхгиганта WOH G64, же іе 2000-кратно боліш неж Сълнце и іествуіе од нас в 160 000 свѣтовых годах в Велікому Магелановому Облаку, ктор іе галактикоі‐спѫтником нашего Млечнаго Пѫти.

Разглѧдати звѣзду бѣше возможным тако подробно, же іесѫ видѣли околну повлаку из плына и пыла. Потоцы творива в повлакѣ кажѫт о том, же WOH G64 іе близкоі до конечноі стадіи живота пред мочным выбухом свърхновы.

В остатно десѧтилѣтіе звѣзда іе поблѣднѣла и бѫде блѣднѣти даліеі. Чървени свърхгиганты, кторым іе и WOH G64, в конечны період житіа извержѫт внѣшни слоіи плына и пыла, але то може надаліати и тървати тысѧчи лѣт. Поколі огромна звѣзда държи сѧ того, та бѫде блѣдше и блѣдше, что бѫде утруднити достане новых іеіных снимков в бѫдѫчности.