Далноглѧд Субару іе израбил снимек перстневидноі Галактикы с троіным перстнем.

Перстневидни галактикы – то іе различны галактикы внѣ рѧда Хаббла, бо они имѫт іарки посебни своіствы.

Они сѧ характеризуіѫт иманіем гѫстаго іѧдра, около ктораго іествуіет перстені младых звѣзд на нектороі далности од самаго іѧдра. По виду си перстневидни галактикы сѫті подобными до планетарных мъгловин. Але перстневи устрои различноі мѣры имаіѫт такоже вече неж половина дисковых галактик.

Имаме различни ѳеоріи произхода такых галактик, але іедна од наі‐популарных хипотез твърди, же перстневи галактикы сѧ роджаіѫт вслѣд слиіаніа и интеракціи (меджудѣіаніа) галактик.

Галактика, же іест снѧтоіѫ, има три перстніа, что іе веліми рѣдкым и корыстным дліа научнаго изисканіа.