Нафта (Камѧны олеі) много корыстуіе человѣчеству. Вдѧчно нафтѣ мы достаме тепло, свѣт, она приводи в движеніе самоходы, тѧгачы, самолеты и корабы.

Из нафты мы достаме технични алкохолы, парафин, паливо, мазечни олеіы, техничны тук, смолы, асфалт и ини выданіа. Что іе нафта? Слово-то іе пришло од персскаго іѧзыка и сѧ значи «влажны» чи «извергнуты». Како та іе сѧ створила? Научницы личут же нафта іе сѧ створила од растлин и животин, жившых много лѣт тому в теплых водах океанов, ктори покрываху земну повърхності.

Умираіѫчи, животины и растлины сѧ сбираху на дніе. Послѣ през много лѣт они бѣху покрыти миліонами тон пѣска и ила. Под натиском ил и пѣсек сѧ претвориху до твърдых горнин. Остатек растлин и животин сѧ превратиху в тіемну течності, собрану в порожностіах горнины. Премѣщеніе земноі коры претворише чѧсті морскаго дна в земіу. Нѣктора колікості течности сѧ поіавише на земноі повърхности, гдѣ быше из’іавена человѣком.

Камѧны олеі сѧ корыстаіе человѣком много тысѧч лѣт. В древности чинцы (китайцы) и египтѧне корыстаху іу както лѣк (лѣкарство). В Индіѣ много лѣт до нашоі еры нафту корыстаху для освѣщеніа и палива.

Такодже ту корыстаху дліа факліеі (походніев), додаваху при твореніи цеглин, нафтоіѫ омазоваху кошы и корабни днищы абы тіи не пропустили воду. Американски индиіцы такодже корыстоваху нафту для различных цѣліеі. Когда в Америку прибыху първи бѣли поселіенцы (колонисты), они преіѧху способы корыстаніа камѧнаго олеіа дліа лѣченіа нѣкторых хвороб у индиіцов.

Нафта, іуж достаме од віертечных отворов, близко нигдѣ не сѧ корыстаіе, бо ту трѣба преработити (рециклирати) – овы процес іе основан на факту же в нафтіе сѫті твърди, течни и плынни творивы (субстанціи).

Нагрѣваіѫчи, од нафты сѧ оддѣліаіѫт іеіни компоненты, ктори природоіѫ сѫті были заіедно свѧзани. То іе возможным, бо кажды компонент нафты ври (кипи) и изпаруіе при различноі теплости: първо оддѣліаіе сѧ бензин, послѣ парафин, плын, олеіы и мазечни составы.